找一個陪你踢波的女友,這就是男人的大志 文字

mensuno於 17/03/2017 發表 收藏文章
每個男人一生情海翻波,追追逐逐,只為找一個陪他踢波的女友。而睇男友踢波,亦對女友百利而無一害,對雙方感情更有增無減。有女友的,不妨tag佢入來看清楚。

1.專心踢波更吸引

雖時平時對妳百般遷就,但足球場是英雄地,爭分奪秒踢過你死我活。對妳的呵護備至並不適用於球場,一個男人專心踢波真係好charm。看見汗珠由額頭流到面頰,那種帥氣是妳平時無法看到的,筆者肯定妳會更愛他。

 
2.讓他安心發洩一下

當妳常埋怨他沒有時間陪妳,「寧願踢波都唔陪我,唔通足球重要過我?!」如果妳真係講得出呢類說話,證明妳不懂男友。每日工作壓力如此大,唔踢波發洩下唔通向你發脾氣咩?!有妳在旁,他不用心掛掛,可以安心發洩一下。發洩過後,爭吵機會便大大減少。


3.了解他的朋友圈

「點解唔帶我去見下你啲朋友?我是咪唔見得人呀?!」去睇男友踢波,一次過可以識他十幾二十個朋友,讓你看個夠。而且還可以認識他的朋友圈,彼此有更多共同話題。看多三五七次,對足球有所了解,更可傾幾句波經(如有慧根),有助維繫感情。

 
4.消遣好去處

現今百物騰貴,出街睇戲食飯兩個人起碼五百大元,而去看男友踢波兩支水再吃個便飯也不過二百元。有時男友假日諗去邊確相當費神,若睇下波吃下飯又一day,對情侶來說,是一種幸福的象徵。其實男仔要求很簡單,無非想見到你又做到自己鍾意的事而已。


5.跟得女友惹羨慕

願意帶你去踢波,證明你喺佢心目中嘅地位無可取締,絕對是雙方有感情基礎才會做的事,妳應該感到驕傲與感恩。「找一個陪你踢波的女友」,一直都是男人的大志,他也會為你感到驕傲!拍拖睇戲行街已經outdate了,陪男友踢波才是王道!

 

IMAGE/INTERNET

你可能還對以下內容感興趣
誰說為了兒子不再裸露?
朋友,我當你一世朋友
隱世跑者!
淨係識用Vodka調雞尾酒?

資料來源:men's uno (http://hk.mensuno.asia/node/%E6%89%BE%E4%B8%80%E5%80%8B%E9%99%AA%E4%BD%A0%E8%B8%A2%E6%B3%A2%E7%9A%84%E5%A5%B3%E5%8F%8B-7247)
本文由《men's uno》授權報導,未經同意禁止轉載。

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→