繼Dad Shoes後又一力作,嚟緊將會興著賣魚佬水鞋?

mensuno 於 13/02/2018 發表 收藏文章
雖然Dad Shoes熱潮仲未完,但2018秋冬男裝周有幾個大熱嘅Brand包括A-COLD-WALL、Undercover、Ann Demeulemeester同Walter Van Beirendonck都唔再玩Dad Shoes,反而出水鞋,唔通嚟緊將會興著賣魚佬水鞋?

早於2018春夏系列, Raf Simons用不同戶外用品同雨具做主打Styling,當然當中都有水鞋啦。

得罪講句,身為一個平時唔著水鞋嘅男士,水鞋比筆者嘅印象就係細細個返幼稚園,落大雨時阿媽迫住著個對易著難除嘅水鞋,仲有經過街市,燒味舖同賣魚佬腳上一定必備嘅鞋款。但經過一班時裝設計師改造,將水鞋整到咁型,連筆者都心郁郁想買來著。

其實水鞋係一對實用的鞋款,襟著、容易清潔之餘,更非常適合香港經常落雨的天氣。另外因為鞋身係高筒而且鞋型修身,所以穿起來特別有時尚感。唯一的缺點是焗腳,以及不容易脫下來。

至於正在閱讀這篇文章的你,心裏面可能有一個問題,就是「水鞋應該點襯好?」。其實筆者認為水鞋是百搭的鞋款,因為鞋身係高筒而且鞋型修身,所以上身宜穿著臃腫或者多層次搭配的衣服。而下身就以長褲為主,如果鬆身褲的話上身應該要注意比例平衡。另外,除非閣下有model身材同total look上下身比例襯得好,否則筆者不建議用短褲配搭,同時要注意短褲長度,不要比鞋身過短,否則睇落會奇怪。講多無謂,睇下啲水鞋street snap!

最容易的全黑襯水鞋

相信呢個係最多人能handle同最簡單襯水鞋嘅方法,簡簡單單全黑加對水鞋已經極具時尚感。

身形比較矮小的朋友

至於身高比較矮小的朋友,Nick Wooster絕對係最佳學習對象。用比較修身、適合自己身形的衣服同埋上下身比例完美平衡的衣著,令整個total look睇落亦唔輸蝕比有身高優勢的人。

唔循規蹈矩、有自己Style的人

呢類人應該自己都好識襯衫,睇下啲素人Snap已經可以攞靈感襯出自已一套,筆者就唔多教啦!

最後,可能有人會話:「咪玩啦,水鞋咁焗又著到成個女人咁點會興呀?」其實筆者都不保証水鞋會興,但當chunky sneaker醜鞋都會成為潮流的時候,你就知道其實時裝既野仲有咩野無可能?

 

你可能還對以下內容感興趣
時裝編輯對談:BLACK MIRROR 可否不分膚色的界限
情人節加新年你準備好未? 男生最想收到女朋友的禮物是…
火焰雪山BV包你聽過未? 品牌最新數碼廣告展現超現實美學
臨急抱佛腳也沒問題 10款情人收到必愛之物

資料來源:men's uno (http://hk.mensuno.asia/node/%E7%B9%BCdad-shoes%E5%BE%8C%E5%8F%88%E4%B8%80%E5%8A%9B%E4%BD%9C-9180)
本文由《men's uno》授權報導,未經同意禁止轉載。
《生化實驗室 - Ep01 情人節朱古力篇》

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→