長沙灣電腦節排隊混亂

科技技術 於 20/02/2011 發表 收藏文章
劈價一折限量售賣 iPad的長沙灣電腦節,吸引大批巿民通宵排隊搶購筍貨,但展期踏入第二天卻發生排隊爭議。有巿民昨指摘大會安排混亂,出現多條人龍,令他佔據的龍頭位置不保。主辦單位「補鑊」,在入口處掛上「龍頭」字樣告示牌,防止有人渾水摸魚打尖。

巿民陳先生指稱昨晨 9時與友人到長沙灣遊樂場外排隊,輪候今日售賣的限量電腦產品,目標是以 290元購買原價 3,480元的數碼相機,以及 4,988元買連兩年合約的 iPhone4,「諗住一轉手賣咗部相機賺到 3,000幾蚊」。他承認到場時門外已有人龍,但聲稱曾詢問保安員,「保安員話啱我哋咪排,嗰陣同朋友分別排第一、第二位」。
詎料保安員後來指另一條人龍才正確,要他排在該人龍之後,令他由排第一變了排第十一位,「大會安排得好混亂,幾條隊,都唔知邊條隊先啱」。電腦商會發言人解釋:「我哋因應政府要求,唔想鼓勵巿民通宵排隊,所以冇喺龍頭位置設指示牌話係排優惠產品,但係有設鐵馬,保安員會指示排隊位置。」他又表示,連日來巿民排隊相安無事,今次投訴人並非在鐵馬位置排隊,而是在另一處排隊,「佢嚟之前已經有人喺鐵馬排緊隊」。
為免再生爭拗,大會昨午約 5時在架上鐵馬的輪候位置掛上「龍頭」告示牌。

轉: http://hk.apple.nextmedia.com/template/apple/art_main.php?iss_id=20110220&sec_id=4104&art_id=14993447&av_id=14993639
標籤: 電腦節  長沙灣  

留言


請按此登錄後留言。未成為會員? 立即註冊
    快捷鍵:←
    快捷鍵:→