離譜！既然香港係蘋果產品最活躍「買賣」地方之一，點解會唔入選成為教壇聖物 iPad 2嘅頭二輪開售地區？作為忠實教徒兼潮人，早買早享受先係生活態度！行貨唔到惟有自己諗計搶貨，不過想買 iPad 2，都要知「訂」！
外形第二 最緊要快
新機未到，舊 iPad即受影響：「舊 iPad行貨價已跌咗$900，放機價再跌多幾百！」 G-World店主阿 Lo對新機幾滿意，仲話有得炒：「 iPad 2個樣、功能同速度都 OK，玩開蘋果產品嘅人都係速度最緊要，外形其次；雙核快過第一代成倍，好犀利！」阿 Lo話炒機熱潮唔會太耐：「貨量唔多的話，或可維持個價；我預計最平七千幾，即係大約加$2,000-$2,500左右。」想直接出旺角掃水貨，佢話第一班機到香港應該係 12號早上，估計中午到先達。
白色必搶
想搶貨可搵美國親朋幫手排隊買，但無朋友都唔使驚，阿 Lo話就算去外國排隊，都只係美國公民先買到，最多每人買兩部，機票閒閒哋花費五千蚊，絕對補唔到條數。
但如果有朋友仗義出手，應該揀邊款？「正常白色最搶手，我哋入貨都係 2:1（白：黑），簡單問你一句，你點知人哋用緊 iPad 2？見到白色咪知道囉！同埋第一批要買嘅人，多數係 3G版 64GB嘅白色，呢類人都唔志在價錢，通常都會要最大同最靚嗰隻，價錢唔使講 o架啦！」
配件無限炒
跟機推出嘅 Smart Cover同 HDMI線，一樣有運行：「凡係未出現過嘅蘋果產品，都有得炒！預計第一批貨可賣到雙倍價錢。」 iPad就一人一機，配件就無咁嘅限制：「正常第一轉唔會限數量，以往慣例，一、二千件都係咁訂！ Smart Cover分皮和纖維；皮版以黑、白色最搶手！纖維版勁 Colorful，入咩顏色都無所謂，鮮色就鍾意。」
炒機死線 25號降價？
上外國網頁訂又 Work唔 Work？有豐富訂外國貨經驗嘅華仁影音 Sunny就話無網頁有貨喎！「 iPad 2主要來貨都係要靠外國朋友去排隊，分分鐘要排 10萬個位！」
上過 amazon仍摸門釘：「我哋都係搵當地供應商拎貨，至怕等到旺角派貨，個網仲未有！」畀你好彩搶到，亦都要適時走貨先賺到錢：「我相信 25號前都仲有得賺； 26號後有大量貨源運到，隨時跌價 1千幾百。」
轉: http://hk.apple.nextmedia.com/template/apple_sub/art_main.php?iss_id=20110307&sec_id=12187373&art_id=15045691&av_id=15046031
外形第二 最緊要快
新機未到，舊 iPad即受影響：「舊 iPad行貨價已跌咗$900，放機價再跌多幾百！」 G-World店主阿 Lo對新機幾滿意，仲話有得炒：「 iPad 2個樣、功能同速度都 OK，玩開蘋果產品嘅人都係速度最緊要，外形其次；雙核快過第一代成倍，好犀利！」阿 Lo話炒機熱潮唔會太耐：「貨量唔多的話，或可維持個價；我預計最平七千幾，即係大約加$2,000-$2,500左右。」想直接出旺角掃水貨，佢話第一班機到香港應該係 12號早上，估計中午到先達。
白色必搶
想搶貨可搵美國親朋幫手排隊買，但無朋友都唔使驚，阿 Lo話就算去外國排隊，都只係美國公民先買到，最多每人買兩部，機票閒閒哋花費五千蚊，絕對補唔到條數。
但如果有朋友仗義出手，應該揀邊款？「正常白色最搶手，我哋入貨都係 2:1（白：黑），簡單問你一句，你點知人哋用緊 iPad 2？見到白色咪知道囉！同埋第一批要買嘅人，多數係 3G版 64GB嘅白色，呢類人都唔志在價錢，通常都會要最大同最靚嗰隻，價錢唔使講 o架啦！」
配件無限炒
跟機推出嘅 Smart Cover同 HDMI線，一樣有運行：「凡係未出現過嘅蘋果產品，都有得炒！預計第一批貨可賣到雙倍價錢。」 iPad就一人一機，配件就無咁嘅限制：「正常第一轉唔會限數量，以往慣例，一、二千件都係咁訂！ Smart Cover分皮和纖維；皮版以黑、白色最搶手！纖維版勁 Colorful，入咩顏色都無所謂，鮮色就鍾意。」
炒機死線 25號降價？
上外國網頁訂又 Work唔 Work？有豐富訂外國貨經驗嘅華仁影音 Sunny就話無網頁有貨喎！「 iPad 2主要來貨都係要靠外國朋友去排隊，分分鐘要排 10萬個位！」
上過 amazon仍摸門釘：「我哋都係搵當地供應商拎貨，至怕等到旺角派貨，個網仲未有！」畀你好彩搶到，亦都要適時走貨先賺到錢：「我相信 25號前都仲有得賺； 26號後有大量貨源運到，隨時跌價 1千幾百。」
轉: http://hk.apple.nextmedia.com/template/apple_sub/art_main.php?iss_id=20110307&sec_id=12187373&art_id=15045691&av_id=15046031
請按此登錄後留言。未成為會員? 立即註冊