【港。馬。BB班】#1 - 香港賽馬歷史

仲有唔夠一個月,新馬季就要開鑼,Dragon係準備緊一d新賽季嘅數據資料嘅同時,又發掘到一d香港賽馬上嘅有趣嘅資料,不況係度開個topic同大家一齊討論研究一番
好嘞,既然係BB班嘅第一堂課,咁就先講講香港賽馬史先(脷伸:講歷史可能有d悶,如閣下怕悶嘅話,快d出返去^^)
要講香港賽馬史,當然不得不提前港英政府,眾所週知,英國係現代純種賽馬嘅發源地,係184X年英國人嚟到管治香港,自然地亦將賽馬運動引入香港。
1846年,當時嘅港英政府就係時稱黃泥涌谷(亦即係現時嘅跑馬地)舉辦賽事,到咗1873年,首次舉辦膾炙人口嘅香港打吡大賽(上圖為1846年嘅跑馬地,可見淨係得條欄&跑道,其他乜都無,都相當荒蕪吓)
到咗1884年,大家熟識嘅英皇御准香港賽馬會正式成立(97後更名為香港賽馬會),1891年,馬會開始接受投注。唔講大家真係未必知,原來個時一年先跑得一次馬,而呢一次賽馬為期數天,同依家一星期兩賽日,跑到連馬匹自己都可能嗌收皮嘅情況,真係差天共地.......(圖為賽馬會成立後,位於跑馬地嘅看台,攝於約1890年)
1931年,馬會首次發行馬票,馬票嘅賭法,Dragon真係唔係好清楚(希望如果有師兄知道嘅話,不妨交流一吓^^),直至到1977年,馬會先取消馬票,逐漸轉變成現有嘅玩法!!!
(圖為1935年發行嘅馬票,係1933年開辦後嘅第一代馬票,票價一元。)
好嘞,暫時講住咁多先,下期待續,如果有師兄想一齊分享吓心得/補充一d資料嘅話,不妨可以係度留言,或者係我嘅FB fanpage交流交流^^
圖片擷取自http://www.hkmemory.hk/collections/hkjc/about/index_cht.html