尋晚美股表現先跌後升再破頂, 恒期今早開盤即高開, 開市位置升穿了6月9日及21日既downtrend。早段先做左個3角之後跌穿, 急回左一下之後有支持, 好快就回升, 可見今日有暗湧。於收午市前, 大市做左個好完美既頭肩底, 估計午後高開穿頸線。果然, 午後真係高開再夾上100點, 之後反覆升至高位21693。今日線trendline好靚, 貼住咁升, 下半場大市亦未跌回21500以下, 可見今日市底幾好。約3點左右, 大市跌穿即日升軌, 就係時候收手食胡了。
要留意, 午市後突破升穿了由6月13日至23日既區間, 後市應會繼續向好。同時, 美股已升穿近日區間, 希望今晚會出大方向, 如是者, 個人睇法恒期下星期有可能係22000以上結算。
順帶一提, 尋日提及到, 如今日爆邊之後, 本人會追末日權, 博200-400點, 刀仔鋸大樹絕對有值博率。今早高開馬上追了6張LC21800, 收市前食了一半, 保本為先, 留半下星期睇睇咩環境。
-------------------------------------------------------------
聲明: 所有貼文純屬分享及作為一個紀錄，並不構成投資、買賣建議或推薦。
請按此登錄後留言。未成為會員? 立即註冊