2022-08-03 恆期即日 HKD.US

短炒的快感 於 03/08/2022 發表 收藏文章

大家打和, super! 尋晚Pelosi 是25年來第一次訪台的美眾院議長, 阿爺練哂兵咁準備打仗, 累恒指最多跌近600點, 直到尋晚10點Pelosi 落機, 當然, 梗係乜事都無發生, anyway啦, 台海局勢總算定落黎。今朝恒期一開曾上19880, 但後續無力, 全日反覆下跌, 197左近收市。下面肥牛已經搬落191 190, 係大市無咩成交之下, 可能chok落去食牛都唔出奇。下面支持位大約係189-191左右。


另外, 想講下呢期最hit既美股, 就一定係 AMTD(AMTD.US)尚乘數科(HKD.US), 大家睇睇下面新聞:

-------------------------------------------------------------
《尚乘數科(HKD)再錄倍升 上市兩周最多升326倍 總市值超越阿里》

尚乘數科(美:HKD)由港資公司尚乘集團分拆,上月15日在紐交所掛牌,當時發行價為7.8美元,上市以來股價持續攀升。周二(2日)股價一度炒高至2,555.3元,較發行價最多累升326.6倍,市值一度衝高至3.71萬億港元,超過全球社交巨頭META。

周二尚乘數科收報1,679美元,單日再升126.28%,成交額達4.72億元,總市值達3,106.91億美元,相當於2.43萬億港元,已超過阿里巴巴的市值規模,也超過了股神巴菲特最愛之一的可口可樂,以及超過了兩大頂級投行高盛和摩根士丹利的市值總和。
-------------------------------------------------------------

呢隻野由7蚊, 2星期炒到上2500蚊, 絕對係破哂歷史記錄, 仲勁過AMC, GME, DWAC。不過好似話街貨得8%, 即係炒上去既只係個8%貨既人, 目前莊家d 貨lock住左, 估計應該係解鎖之前就音樂停止game over。你問目前仲有無得炒? 一定仲有得炒, 但幾時音樂停止就真係無人知, 只係夠膽講, 音樂停既一刻, 將會係跌停又跌停。


-------------------------------------------------------------
聲明: 所有貼文純屬分享及作為一個紀錄,並不構成投資、買賣建議或推薦。
標籤: 恆期即日  HKD.US  

留言


請按此登錄後留言。未成為會員? 立即註冊
    快捷鍵:←
    快捷鍵:→