舊款iPhone更新之後會lag機可以話係公開嘅秘密，而最近就有消息傳出，lag機唔係因為你部機負荷唔到，而係Apple專登限制咗舊款iPhone嘅性能，咁仲唔係迫你換新機！消息流出之後，好多網民都覺得蘋果太過份、太無恥！
之後就有人解畫，話唔係Apple限制咗部機嘅性能，而係受到電池嘅壽命影響。電池剩餘嘅壽命越少，iOS就會自動將CPU減速，減低耗電量，維持返個可使用時間。但之後又有人測試發現唔關電池嘅剩餘壽命事，係關個剩餘電量事。當個電量低到某一個水平，系統就會自動減速。
終於，Apple就出咗個官方回應，裡面講到佢哋的確係有限制部份舊款iPhone嘅性能、限制CPU嘅峰值從而減低耗電量，避免呢啲iPhone嘅電量好快就耗盡。Apple解釋佢哋咁做係為咗平衡iPhone嘅性能同續航，因為兩者對用家嚟講都係咁重要。現時呢個機制已經應用咗喺iPhone 6、iPhone 6s同iPhone SE度，而iPhone 7更新咗做iOS 11.2之後都會加入呢個機制，未來會擴展到更多型號身上。
小編就唔係好明，明明粒U快咗每次都係新iPhone嘅selling point之一，舊電話可以耐用啲本身都可以做selling point。其實貪新鮮嘅，部機有冇壞都會照換機架啦；係想用兩三年先換嘅，部機點lag都唔會換架啦，咁樣迫人換機真係好咩？
之後就有人解畫，話唔係Apple限制咗部機嘅性能，而係受到電池嘅壽命影響。電池剩餘嘅壽命越少，iOS就會自動將CPU減速，減低耗電量，維持返個可使用時間。但之後又有人測試發現唔關電池嘅剩餘壽命事，係關個剩餘電量事。當個電量低到某一個水平，系統就會自動減速。
終於，Apple就出咗個官方回應，裡面講到佢哋的確係有限制部份舊款iPhone嘅性能、限制CPU嘅峰值從而減低耗電量，避免呢啲iPhone嘅電量好快就耗盡。Apple解釋佢哋咁做係為咗平衡iPhone嘅性能同續航，因為兩者對用家嚟講都係咁重要。現時呢個機制已經應用咗喺iPhone 6、iPhone 6s同iPhone SE度，而iPhone 7更新咗做iOS 11.2之後都會加入呢個機制，未來會擴展到更多型號身上。
小編就唔係好明，明明粒U快咗每次都係新iPhone嘅selling point之一，舊電話可以耐用啲本身都可以做selling point。其實貪新鮮嘅，部機有冇壞都會照換機架啦；係想用兩三年先換嘅，部機點lag都唔會換架啦，咁樣迫人換機真係好咩？
請按此登錄後留言。未成為會員? 立即註冊