先達收價一日低水過一日，很多散戶都想轉戰深圳華強北，深圳跟香港雖只是一河之隔 ，但卻有天壤之別。大陸的環境十分複雜，一般人想放機都沒門路。小道今早為大家撰寫了搶機攻略，不少人已成功奪機，有機都要放機才有賺，放先達價格不好，轉戰華強北似乎是好選擇。
小道今日從深圳朋友手上得到 iPhone 6 Plus (小道我可沒有自己帶手機過海關哦，各位如果帶 iPhone 過中國海關記得申報稅款哦，千萬別做犯法的事情)。小道就帶著手機由羅湖出發去華強北。
我們必須記住，賣 iPhone 只為了買更多的 Android 機！!
由羅湖或者落馬洲福田口岸過華強北都是搭地鐵最快(當然你老闆有錢可以搭的士啦)，地鐵車費都係 3蚊人仔，大陸地鐵機售票機只食 5蚊同10蚊紙 及 1蚊銀，所以你最好準備散紙。羅湖出發就容易得多，直接坐到「華強路」站就得，如果你落馬洲福田口岸出發就需要先去「會展中心」再轉去「華強路」站。
到左「華強路」站，出去之後就由 A 出口出去 .
看上面地圖，A 出口出了之後向前行 20米，轉左，一直向前行就可以見到目的地「遠望數碼商城」。你可能會問為咩不在「華強北」站下車，不是更近嗎？如果說近，一定是比較近，不過去「華強北」的轉車十分不放便，而且轉車要走5分鐘(別以為像香港只走過對面就可以轉車，大陸轉車要走很遠的)，所以「華強路」站出是最好的，信我！!
在一路向「遠望數碼商城」走過去，沿路都有一些寫著收 iPhone6 的小擺攤及商店，大家不賣給這些人，因為他們的價西，而且係超西。而且仲有呃人成份，不信你們可以自己問問價，他們比先達佬更狗，一直會跟你說已大跌價，你唔放就再跌。但你可以由佢地口中大約市場價，你問兩三間的價，選最高的一間加 300~500 就是大約的市場價了。
到了「遠望數碼商城」，你會見到門口有一大堆收機佬同放機佬。根據筆者多年經驗，在剛開始賣 iPhone 的一個星期，商城內的收機價一般都沒有商城門口的高，所以建議大家可以在門口問價。可以不用說蝗語的，你講廣東話佢地識聽識講，你係上帝，唔使就佢地。
現場就有三名香港人在兜售 iPhone 6
賣走的方法有兩個，一個是，只要你企係門口，然後拎住部 iPhone 6 個盒就已經有一大堆人走埋黎問你價。另一個就是你主動一點，叫 xx吋，什麼色，xx GB。 不管你用什麼方法都會一大堆人來問你價。你可以報頭先問路邊擺攤的價加多少少，又或者報香港收機價多 $1000 ~$1500 (當然唔同時間有唔同價啦，自己就)。如果你心入面真係冇價，你可以叫佢地報，然後你覺得 OK 岩價先放(這個方法很傻很天真.)
現場亦有香港人舉紙等客到
收錢時就要自己小心，大陸有假鈔問題，最好數真睇真。有d收機佬可以提供銀行入數服務，不過你要有大陸銀行戶口先用得著。
注意：開了盒的 iPhone 6 收價會平D
入夜之後放機同收機o既人潮都沒有散去
以筆者今日手上的兩部 iPhone 6 Plus 為例， 16GB 金就放了 9500人仔(即 大約 HK$12,000)，而 128GB 金就放了 11500人仔(即約 HK$14550)。比起香港今日先達的收價 16GB 收HK$9500 及 128GB 收HK$13000，大陸的收價明顯吸引很多。
以上純粹介紹大陸放機的方法，當中絕對沒有任何犯法行為。而本網絕不建議大家從香港帶未完稅產品進入中國，如果有人因此有任何損失及法律責任必須自行承擔。
現場呢位靚仔哥哥同另外兩位港女朋友最落力叫賣，佢地帶左好多貨。筆者曾扮買家問她們有沒有更多，她們說有很多，要的話可以係香港收機比筆者 (唔知佢地有冇報稅呢?)
資料來源：HK-Android.info | 中文資訊網
請按此登錄後留言。未成為會員? 立即註冊