上年年尾，Razer就出咗全球首部打住電競旗號嘅手機Razer Phone，當時大家對細佬嗰篇《最強Android手機無誤!?Razer Phone超強規格面世》嘅回應大多數都係"所謂最強好快會俾人打落嚟"。之前小米部黑鯊都仲可以話"大陸機？不了！"嚟當無事發生，但ASUS噚日(6/5)公佈嘅ASUS ROG Phone就真係狠狠咁將Razer Phone打咗落嚟ww。
ROG Phone同樣係以"信仰"為主嘅設計，背殼大大個ROG logo，但佢嚟得更誇張，個logo係會着燈，而且燈嘅顏色、閃唔閃、點閃都可以自己較！手機前置雙喇叭，而且支援7.1聲道虛擬環繞音效，打機睇片都夠哂爽。
ROG Phone採用Qualcomm S845、8GB ram、最高512GB，就咁睇都已經好頂級。不過頂級係唔夠，Asus今次用嗰粒S845係超頻版，最高可達2.96GHz(，一般版最高為2.8GHz)，可以話做到頂級中嘅頂級。但將效能推到咁高肯定會熱到爆，所以Asus喺散熱方面做足功課，採用類似熱導管嘅"Gamecool 3D Vapor-Chamber Cooling System"，而且係平面，散熱更快！
電競手機最重要當然係用嚟打機，如果兩下就要差電都會幾麻煩，ROG Phone就用到4000mAh，咁大容量就唔使郁郁就要差電。透過專屬嘅火牛就可以用到HyperCharger快速技術，半個鐘就差到60%電量，本身亦都支援Quick Charge 3.0同4.0。ROG Phone擁有類似遊戲模式嘅X mode，開咗之後就可以清空所有RAM，防止所有會食RAM或者會騷擾到你打機嘅app運行。
講得為Gamer打造嘅，梗係要有返啲黑科技，手機右側擺咗兩個AirTriggers感應器，可以做到類似手掣L/R掣嘅效果。另外有個真係好瘋狂嘅設計，機底就有一個USB-C孔同一個3.5mm耳機孔，機嘅左側又有兩個USB-C孔，無論打直嚟打機定打橫嘅打機都會俾條差電線影響到手感！
ROG Phone另一個痴線位就係好多為Gamer而設嘅配件，不過篇幅太長，細佬我下篇再寫。
ROG Phone同樣係以"信仰"為主嘅設計，背殼大大個ROG logo，但佢嚟得更誇張，個logo係會着燈，而且燈嘅顏色、閃唔閃、點閃都可以自己較！手機前置雙喇叭，而且支援7.1聲道虛擬環繞音效，打機睇片都夠哂爽。
ROG Phone採用Qualcomm S845、8GB ram、最高512GB，就咁睇都已經好頂級。不過頂級係唔夠，Asus今次用嗰粒S845係超頻版，最高可達2.96GHz(，一般版最高為2.8GHz)，可以話做到頂級中嘅頂級。但將效能推到咁高肯定會熱到爆，所以Asus喺散熱方面做足功課，採用類似熱導管嘅"Gamecool 3D Vapor-Chamber Cooling System"，而且係平面，散熱更快！
電競手機最重要當然係用嚟打機，如果兩下就要差電都會幾麻煩，ROG Phone就用到4000mAh，咁大容量就唔使郁郁就要差電。透過專屬嘅火牛就可以用到HyperCharger快速技術，半個鐘就差到60%電量，本身亦都支援Quick Charge 3.0同4.0。ROG Phone擁有類似遊戲模式嘅X mode，開咗之後就可以清空所有RAM，防止所有會食RAM或者會騷擾到你打機嘅app運行。
講得為Gamer打造嘅，梗係要有返啲黑科技，手機右側擺咗兩個AirTriggers感應器，可以做到類似手掣L/R掣嘅效果。另外有個真係好瘋狂嘅設計，機底就有一個USB-C孔同一個3.5mm耳機孔，機嘅左側又有兩個USB-C孔，無論打直嚟打機定打橫嘅打機都會俾條差電線影響到手感！
ROG Phone另一個痴線位就係好多為Gamer而設嘅配件，不過篇幅太長，細佬我下篇再寫。
請按此登錄後留言。未成為會員? 立即註冊