iPhone X兩季後玩完!? 傳iPhone X銷量不似如期 精選

而家Apple嘅銷售策略係每次公佈新機之後，舊機會減價繼續賣，而真係太舊(大概已經3年)嘅機款就會停產，就好似iPhone 7同6s都仲賣，咁可以令多啲人選擇iPhone，budget少啲買舊款就得，咁樣比針對唔同市場嚟開多幾條line慳返唔少。


不過iPhone X就無呢支歌仔唱，好有可能喺今年第三季Apple發佈新機之後就要消失！著名分析師郭明錤近日發表嘅最新報告指出，iPhone X嘅市場需求疲弱，Apple自己都減少咗對iPhone X零件嘅訂單。佢預計iPhone X喺2018年第一季只會得1800萬部，主要有幾個原因：中國市場對iPhone X嘅興趣細過預期、唔少舊有用家接受唔到iPhone X嘅M字額設計、OLED芒會燒芒嘅天生缺憾等。


郭明錤相信Apple會喺今年第三季發表新機，iPhone X到時就會停止銷售，好有可能推出iPhone X+，減低因為M字額令螢幕可用區域減少嘅問題。