學電單車有咩要知? 推薦

其實考電單車係咪就買架電單車，就可以去運輸署度考試呢？
梗係唔係咁簡單啦！

學電單車有三個主要既部分。
如果你無駕駛經驗，就要由考筆試開始喇！

首先報讀課程，然後考筆試，合格後上三日強制堂。強制試合格左就有學牌，再上路試堂，考埋個路試就可以P牌出車喇！
三部曲，學電單車車就係咁簡單：
I. 筆試
考任何駕駛執照前，你都必須先通過筆試。
學院會安排筆試講座，然後自己熟讀「道路使用者守則」，就可以考20條MC；
考之前，學院會提供一次免費筆試講座；
只要唔好錯多過4條，30分鐘內完成，就pass架喇！

II. 強制試
筆試合格後，就可以上三堂強制堂，初次體驗揸電單車既快感。
除左會講解電單車既簡單操作之外，學員都會落場練習，例如學下慢車平衡、緊急煞停、平路8字等等。Pass左強制試後，你就可以學牌出車了。
III. 路試
黎到最後一步：路試。
首先，你要去番報名既學院攞學牌，然後安排路試上堂和考試日期。
導師會講解學牌司機既出車時間、限制、路面安全和注意事項等，然後會帶學生出車，行下兩條考試路線：考九龍區就有嘉齡同常興線，而考港島既就有樂活同東院線！由於九龍考場考場敬德街唔可以練習斜路8字，導師會帶你到常樂街練習。

路試課程一般包括導師指導，試前指導，路面常識及機械常識。因應不同學生需要，我地都會提供導師跟進和自行練習。學院會提供Suzuki GN 125棍波車及AN 125自動波車，學生亦可以用自己車練習和考試。

---------------------------------------------------------------------------------------
K&K專頁【都幾專業㗎！】
https://www.facebook.com/knkdrivingschool/

---------------------------------------------------------------------------------------