你也可以是謝霆鋒！要型，點都要著西裝 精選

雖然話舊聞唔好攞嚟講，但有日閒賦在家，翻開一堆買咗但未睇的電影細賞，先睇《Green Book》，重大的遲來發現，原來 Mahershala Ali 真係好有型，扮鋼琴家著任何西裝都成功駕馭。之後再睇佢有份主演的《Moonlight》，無著西裝的他，演技依然精彩，但是扮白粉拆家的他唔再需要著西裝，古惑仔與西裝友的造型，個落差原來幾大 ── 最終，我成功諗通咗，做男人，真係至少要有一套西裝，用以「看家口」都係咁話。
HO SIN WAH
FASHION DIRECTOR
LEAD-IN IMAGE & PHOTO / ERMENEGILDO ZEGNA

所以，Ermenegildo Zegna 上季找來 Mahershala Ali 做代言人，有理由相信是品牌高層也看了他主演的《Green Book》，黑人穿西裝同樣穿得有品味、夠格調，整個組合毫無違和感。沒錯，找到正確的代言人，絕對讓人有「怦然心動」的感覺 ── 男士們會不自覺認為，只要我也買了他（廣告上）的衣服，我也可以變成他這個樣子。
懶理最終是否夢境成真，即使許多實驗証實，陳冠希與老人家穿上同一款的白色 T 恤，出來的「視覺效果」可以是深水灣與深水埗之間的距離 ── 離題萬丈。然而，男士們仍然相信，我可以成為陳冠希。

同樣道理，今季Ermenegildo Zegna繼續找來 Mahershala Ali 做代言人，是合情合理之事。當然你會覺得自己乃黃色皮膚，怎可能扮到他？說得沒錯，所以品牌又繼續找來謝霆鋒，這樣你當然感到舒服一點吧，對嗎？
我怎麼可能不會是「謝霆鋒」呢？


資料來源：men's uno (http://hk.mensuno.asia/node/%E4%BD%A0%E4%B9%9F%E5%8F%AF%E4%BB%A5%E6%98%AF%E8%AC%9D%E9%9C%86%E9%8B%92-13148)
本文由《men's uno》授權報導，未經同意禁止轉載。