酒佬情迷Double Cask，推薦兩款雙桶熟成威士忌 精選

威士忌雖然嚟自麥芽同水，但其個性與風味，則是由木桶所賦予。當然，「專一」情迷雪莉桶從來都沒有錯，但身為愛酒嘅一佬，追求新鮮感、不同可能性，以及帶住刺激感咁去試唔同「過桶」、「玩桶」嘅嘗試，個人認為都是出自本能。雖然多未必好，但唔試唔知愛邊套，我指玩邊種過桶。
TING CHAN
Photo / IG@usmacallan & @aberlour

The Macallan Double Cask 

今期就推薦大家The Macallan Double Cask系列，早前佢地已出了The Macallan Double Cask 12 年，憑住融合兩種雪莉桶味道，係帶有西班牙橡木雪莉桶威士忌特色上，加入了來自美國橡木雪莉桶嘅濃郁果香甜味，甚至是生薑香氣嘅「新鮮感」，成為一種更「易入口」嘅選擇。
Photo /  IG@usmacallan 


今次再同時推出The Macallan Double Cask 15年與18年，雙桶熟成分別是美國和歐洲雪莉橡木桶，一般情況在美國雪莉橡木桶熟成的酒體帶有陣陣香草味道及果香，而在歐洲雪莉橡木桶熟成的酒體則散發淡淡的辛香，Double Cask系列就將兩者融合。
Photo / The Macallan 

 
The Macallan Double Cask 15年嘅感覺更平衡，酒色呈金黃奶油糖色，香氣先是帶乾果、拖肥糖，然後還有橡木香、烤蘋果及朱古力嘅氣味。入口先是葡萄乾及熟成果實嘅味道，之後有香草味及柑橘等味道。餘韻並非很強勁，是和暖嘅生薑，及焦糖與柑橘餘韻。
Photo /  IG@usmacallan 

 
The Macallan Double Cask 18年，如12 年偏向有更多美國雪莉橡木桶嘅個性，18年就明顯是偏如歐洲雪莉橡木桶熟成感覺。酒體是琥珀色，香氣雖然還有生薑一類新鮮氣息，但更多是拖肥糖、丁香及肉荳蔻嘅味道。入口是豐富熟成果實味道，緊接是拖肥糖、焦糖等配以木質香料和柑橘等更複雜層次嘅味道。餘韻是橡木、柴燒龍眼與生薑逐漸轉為香甜柳橙。
Photo /  IG@usmacallan 

 
同場加映，The Macallan Room在K11 Musea 開幕，一眾威士忌愛好者可以在這裡嘅酒吧區或是接待區睇到The Macallan及其六大支柱(Six Pillars)的故事，以及一系列限量版酒瓶，不過暫時好似就只用作舉辦特別活動，不過有時間也值得去睇睇！
Photo / The Macallan 

 
Aberlour Double cask

嘗試完美國x歐洲雪莉橡木桶嘅雙桶熟成，接著就介紹另一款同樣以雙桶熟成工藝聞名，又經常攞獎嘅另一蘇格蘭威士忌Aberlour。今年佢哋在The International Spirits Challenge 2020 awards (ISC) 摘下多面金牌獎及最佳原酒等多項殊榮。
Photo / Aberlour 

 
Aberlour 嘅Double cask系列有分12年、16年及18年，而佢哋嘅雙桶熟成，就是將波本桶和雪莉桶的原酒，以平行的方式結合。12年就清爽又帶柑橘特色，酒色呈琥珀又帶紅寶石光澤，香氣有特色嘅紅蘋果香氣。口感上是飽滿的雪莉特質、有果香與朱古力，餘韻就帶辛香味。Photo / IG@aberlour

 
Aberlour 16年則同樣清爽而俐落，香氣較複雜，有甜棗、無花果、烘焙堅果等；口感則是橡木桶和香草，又有麥芽清甜；餘韻就有穀物與水果干味道。18年色體是紅褐金色，層次更多變，和豐富，充滿拖肥糖、奶油糖、成熟桃子和苦橙嘅風味。入口初期是杏仁與奶油，之後是黑醋栗果醬、甘甜橡木等；餘韻綿長，有橡木桶風味，以及感覺像Crème Brûlée ... …Photo / IG@aberlour

Photo / Aberlour

 
又同場加映，Aberlour  A’bunadh首選原桶單一威士忌獲得ISC國際烈酒競賽雙金牌獎及最佳原酒，A’bunadh 在蓋爾語中的意思是「原始風貌」，所以就不是玩過桶，是最純正的雪莉桶威士忌。香氣是混合香料、堅果糖和柑橘；入口是柑橘、果乾和薑的風味，又有黑朱古力嘅苦味。餘韻醇厚強烈，融合了異國辛香料風味。
Photo / IG@aberlour

 

資料來源：men's uno (http://hk.mensuno.asia/node/%E9%85%92%E4%BD%AC%E6%83%85%E8%BF%B7double-cask-14688)
本文由《men's uno》授權報導，未經同意禁止轉載。