量化寬鬆(QE) = 印銀紙？非也。

每次新聞話美國要QE，
就會聽人話「美國佬又印銀紙」，唔單止聽街外人，
連我屋企兩位加埋百幾歲嘅父母，投資都有廿幾年經驗，
都成日話美國印銀紙，香港樓一定漲到飛天。
事實係，QE 係咪即係印銀紙？
QE又代唔代表美股一定漲？

首先，QE唔係完全印銀紙，更加唔係瘋狂搵部機印D銀紙出嚟

所謂量化寬鬆，並唔係美國直接打開個printer係咁印(大家經常俾新聞影出嚟部印鈔機嚇親)
講呢種說法嘅人基本係對QE甚至對美國如何印發貨幣冇乜認識
首先，美國政府又或者係trump trump係唔會打開printer印紙，
能夠增加貨幣發行量嘅係美國聯儲局

咁又係咪聯儲局打開printer呢？亦都唔係。
實際係聯儲局去搵美國嘅商業銀行買債券，
不過呢個買，係「爭住先」，打借據俾你咁樣買，

即係話，每次咁樣做，美聯儲資產同負債都會同時增加
亦即係我地所講嘅「擴表」，不過呢，正常情況下，美聯儲係唔會打算還，銀行都唔會打算追。
次貸危機就係用呢招釋除咗部份危機，銀行嘅債劵俾咗美聯儲
美聯儲嘅欠條俾咗銀行，一瞬間銀行換成一堆有利息收嘅「靚資產」，
解除咗呢一次危機

不得不佩服美國佬財技高超。

咁你會問，當中咪即係冇印錢？又唔係咁講，
當聯儲局買返埋資產唔夠錢俾利息俾商業銀行，就會印錢，
但事實新鮮印出來嘅數量並唔會好多，再加上美國經濟本身穩健
復甦驚人，「消化」咗呢堆新鮮銀紙，
而且比起當初布殊所講嘅QE總金額，只佔好細比例。
所以QE並不等於印錢，亦都係即使QE咁多錢出來，
美國通漲仍然係保持咁低嘅原因，所以以後聽到
人地話美國佬又打開印鈔機印銀紙時
微笑以對便好了 :)