講起考電單車選擇自動波定棍波，唔少同學都心大心細。究竟揀完有無得轉？邊樣容易啲？等輝Sir同你分析自動波同棍波嘅分別，同你一齊選擇最適合嘅課程！
其實咩係棍波同自動波？
棍波又叫「手動變速器」，指要司機人手控制極力子變速嘅波箱，即係駕駛嘅時候要因應唔同情況選擇適當嘅波段；而自動波電單車一般係用CVT（無段自動變速器），雖然都係自動波，但又同一般私家車嘅會自動轉波嘅波箱略有分別。 牌照分別、車種選擇 同私家車一樣，電單車棍波合格就可以揸埋自動波，可謂「一雞兩味」，而考完自動波牌想揸棍波，就要重新報考棍波課程。亦因為咁，考完棍波牌基本上揸得曬各類電單車，選擇闊得多，完勝自動波牌。值得留意嘅係， 綿羊仔（Scooter）唔一定係自動波，例如部分偉士（Vespa）經典嘅綿羊仔都係棍波。你永遠唔知自己日後買車、換車、旅行會想揸咩車，所以棍波就著數得多！
考試邊樣容易啲?
坦白講，自動波同棍波嘅合格率其實差唔多。兩者各有長處，根據過往學員嘅情況，無論學車定考車，棍波車絕對唔會比自動波困難。 打8字 打8字無須轉波，棍波同自動波嘅分別唔係波箱，而係車身結構。好多同學以為自動波容易啲打8字，實際上棍波反而比較容易。
1.棍波車（例如GN125）用鐵鏈傳動，反應較快，打八字油門控制較靈活；而自動波多數用皮帶傳動，反應略有延遲，打8字就無咁靈敏。
2. 棍波車亦相對容易平衡。你可以夾住棍波車油缸，有助穩住身體，同時架車亦唔會左搖右擺；自動波車就無呢個優勢，一般無經驗嘅學員都會相對唔穩定。 路試 路面駕駛方面，自動波非常簡便直接，省卻轉波一系列嘅步驟，減少死火、轉錯波嘅機會，尤其係塞車嘅時候更顯方便；而棍波由於有得夾住油缸，就更易平衡，無咁容易落腳（失平衡）。不過只要通過練習，以上嘅困難都可以克服嘅！ 報咗名仲可唔可以轉？ 自動波學員發現棍波嘅優勢之後，唔少都會想轉去學棍波；亦有學員覺得棍波難，想轉返去自動波。報咗名（甚至已經上緊堂），其實你都仲有機會轉，不過學到某啲階段就需要手續費喇。
1.如果係強制堂，報名之後先決定要轉，不論係自動波轉棍波定棍波轉自動波，咁你就要俾一定嘅手續費喇。
2.如果已經通過自動波強制試，咁路試就只可以考自動波。呢個時候想考棍波牌，就要重新報考並通過棍波強制試。
3.如果已經通過棍波強制試，咁你路試就可以選擇棍波或者自動波，而呢個轉換係無須手續費嘅。
4. 如果你已經通過咗自動波嘅路試，呢個時候你想考返棍波，你就可以豁免考棍波嘅強制試，直接考棍波路試。就算你自動波未甩P（暫準駕駛執照）都考得，而且棍波牌嘅P牌只需要延續自動波未完嘅P牌期限。舉例自動波掛P三個月嘅時候，你成功再考獲棍波牌，你駕駛棍波都只需要掛多九個月P牌。 如果仲係未揀定，不妨考咗棍波強制試先，難度唔高之餘，亦俾自己之後有得選擇，隨時轉都無問題。
總結
如果你問輝Sir意見，輝Sir就點都推介你考棍波牌。（嗱，自動波同棍波一樣價錢，唔係想賺多你幾舊呀）日後車種嘅選擇、彈性都比較大，而考試嘅容易程度又相若，棍波似乎點都著數啲。唔少人學完仲愛上棍波添！
畢竟每個人需要唔同，如果你仲心思思應該學邊樣，馬上撳入呢條 link http://forms.gle/hSBKhTnthLJFz5Yo7 輝sir或者輝Sir團隊會主動聯絡你，免費解答你嘅疑難呀！
其實咩係棍波同自動波？
棍波又叫「手動變速器」，指要司機人手控制極力子變速嘅波箱，即係駕駛嘅時候要因應唔同情況選擇適當嘅波段；而自動波電單車一般係用CVT（無段自動變速器），雖然都係自動波，但又同一般私家車嘅會自動轉波嘅波箱略有分別。 牌照分別、車種選擇 同私家車一樣，電單車棍波合格就可以揸埋自動波，可謂「一雞兩味」，而考完自動波牌想揸棍波，就要重新報考棍波課程。亦因為咁，考完棍波牌基本上揸得曬各類電單車，選擇闊得多，完勝自動波牌。值得留意嘅係， 綿羊仔（Scooter）唔一定係自動波，例如部分偉士（Vespa）經典嘅綿羊仔都係棍波。你永遠唔知自己日後買車、換車、旅行會想揸咩車，所以棍波就著數得多！
考試邊樣容易啲?
坦白講，自動波同棍波嘅合格率其實差唔多。兩者各有長處，根據過往學員嘅情況，無論學車定考車，棍波車絕對唔會比自動波困難。 打8字 打8字無須轉波，棍波同自動波嘅分別唔係波箱，而係車身結構。好多同學以為自動波容易啲打8字，實際上棍波反而比較容易。
1.棍波車（例如GN125）用鐵鏈傳動，反應較快，打八字油門控制較靈活；而自動波多數用皮帶傳動，反應略有延遲，打8字就無咁靈敏。
2. 棍波車亦相對容易平衡。你可以夾住棍波車油缸，有助穩住身體，同時架車亦唔會左搖右擺；自動波車就無呢個優勢，一般無經驗嘅學員都會相對唔穩定。 路試 路面駕駛方面，自動波非常簡便直接，省卻轉波一系列嘅步驟，減少死火、轉錯波嘅機會，尤其係塞車嘅時候更顯方便；而棍波由於有得夾住油缸，就更易平衡，無咁容易落腳（失平衡）。不過只要通過練習，以上嘅困難都可以克服嘅！ 報咗名仲可唔可以轉？ 自動波學員發現棍波嘅優勢之後，唔少都會想轉去學棍波；亦有學員覺得棍波難，想轉返去自動波。報咗名（甚至已經上緊堂），其實你都仲有機會轉，不過學到某啲階段就需要手續費喇。
1.如果係強制堂，報名之後先決定要轉，不論係自動波轉棍波定棍波轉自動波，咁你就要俾一定嘅手續費喇。
2.如果已經通過自動波強制試，咁路試就只可以考自動波。呢個時候想考棍波牌，就要重新報考並通過棍波強制試。
3.如果已經通過棍波強制試，咁你路試就可以選擇棍波或者自動波，而呢個轉換係無須手續費嘅。
4. 如果你已經通過咗自動波嘅路試，呢個時候你想考返棍波，你就可以豁免考棍波嘅強制試，直接考棍波路試。就算你自動波未甩P（暫準駕駛執照）都考得，而且棍波牌嘅P牌只需要延續自動波未完嘅P牌期限。舉例自動波掛P三個月嘅時候，你成功再考獲棍波牌，你駕駛棍波都只需要掛多九個月P牌。 如果仲係未揀定，不妨考咗棍波強制試先，難度唔高之餘，亦俾自己之後有得選擇，隨時轉都無問題。
總結
如果你問輝Sir意見，輝Sir就點都推介你考棍波牌。（嗱，自動波同棍波一樣價錢，唔係想賺多你幾舊呀）日後車種嘅選擇、彈性都比較大，而考試嘅容易程度又相若，棍波似乎點都著數啲。唔少人學完仲愛上棍波添！
畢竟每個人需要唔同，如果你仲心思思應該學邊樣，馬上撳入呢條 link http://forms.gle/hSBKhTnthLJFz5Yo7 輝sir或者輝Sir團隊會主動聯絡你，免費解答你嘅疑難呀！
請按此登錄後留言。未成為會員? 立即註冊