【一條有夢想既鹹魚】

成日有人話「做男人一定要有目標﹑有夢想﹑有膀頭, 如果沒有就同一條鹹魚沒分別。」但有夢想既男人都只係一條有夢想既「咸」魚....我諗大家明白既。
事實上，現今社會的每一個人都起碼有三至四個，甚至更多的目標，有用嗎? 腦裡有千條路，但到了隔天早上卻依然走著原路，向目標走前的距離絲毫也沒有拉近。當你人生有番咁上下閱歷，你就會好容易分辨到邊個係得把口，邊個係所謂既夢想家。
以前細個夢想做醫生，做老師，做警察，甚至做太空人。但人愈大就開始愈實際，要有份好工，左轉工右轉工，為既只求人工高一點，人工高一點就可以去供樓，仲有咩夢想。 咦? 你跳傘咁平，算什麼夢想，環遊世界一百八十天，其實都係幾十萬，都唔算得係咩姐，當我知道發表偉論嘅呢位仁兄佢剛剛買完一層要成四百萬嘅縮水樓，我知佢點解咁自豪，因為對佢講，用愈多錢去追求嘅愈難，愈難就愈有價值，原來今時今日夢想係可以用錢去衡量。
目標夢想不要多，同埋唔需要用錢去衡量夢想既價值，覺得值得就去做，完成一個再去想吧。
向著自己目標夢想衝，咁就最好不過，加油!